Tre persona shqiptar të Kosovës janë arrestuar ditën e sotme pasi kishin në plan të kryenin një sulm në një nga simbolet e Venecias, Urën Rialto.
Për fat të mirë, anti-mafia dhe anti-terrorizmi Italian kanë vepruar në kohë duke shkatërruar celulën xhihadiste, pjesë e të cilës dyshohet të ketë qenë edhe një i mitur.
Sipas përgjimeve të kryera nga policia italiane anëtarët e celulës terroriste jane shtetas kosovarë me banim në Itali me një leje qëndrimi të rregullt.
Ura Rialto është një nga 4 urat më antike e më të famshme që kapërcejnë Kanalin e Madh në qytetin e Venecias.
Në orën 11:30 policia italiane do të dalë në një konferencë për shtyp për të dhënë detaje për celulën xhihadiste.
Nga përgjimet rezulton se ata ishin duke përgatitur një sulm duke hedhur veten në erë në Uren Rialto, për të shkaktuar qindra te vdekur.
Arrestimet kane ardhur pas një hetimi kompleks dhe pas identifikimit te celules, policia ka rindërtuar dinamiken e marredhenies se rrjetit, radikalizim fetar te subjekteve të ndryshme, vendet që frekuentonin etj.
