Nobeli për Fizikën i vitit 2016 është fituar nga tre dhkencëtarët britanikë David Thouless, Duncan Haldane dhe Michael Kosterlitz, për zbulimin e “e sekreteve të materies ekzotike”.
Tre britanikët do të ndajnë mes tyre një shumë prej 727 mijë paund. Fituesi u lajmërua përmes një konference që po organizohet në Suedi.
Për ta u tha se kanë “hapur derën e një bote të panjohur, ku materia mund të marrë gjendje të pazakonshme”.
Çmimi Nobel në Fizikë është dhënë 110 herë nga viti 1901. Deri tani ka vetëm një person që e ka fituar dy herë dhe ai është John Bardeen, që e ka fituar në vitin 1956 dhe 1972.
