Zbardhen detaje nga krimi që ndodhi në orët e para të mëngjesit të sotëm në Shkodër. Ngjarja mësohet se ka ndodhur në lagjen “Qemal Stafa” të qytetit rreth orës 00:00.
Ilir Alija 40-vjeç, me profesion mjek ka mbetur i vrarë pas një debati me komshiun e tij. Ngjarja ka ndodhur rreth orës 00:00 në lagjen “Qemal Stafa” në Shkodër.
Autori i ngjarjes është Dritan Ymeri, një 26 vjeçar të cilin policia ende nuk e ka arrestuar. Viktima dhe autori jetonin në një ndërtesë tre katëshe ngjitur me njëri-tjetrin.
Ilir Alija ka qenë duke bërë disa punime në katin e trete por nuk ka gjetur dakordsinë e autorit të vrasjës. Gjatë ditës palët kanë debatuar.
Më pas rreth orës 00:00 Dritan Ymeri ka prishur një pjesë të punimeve që po bënte 40-vjeçari.
Në këto momente Ilir Alija është zgjuar nga gjumi dhe ka dalë jashtë për të biseduar. Biseda mes tyre ka përfunduar me ofendime dhe në atë moment Dritan Ymeri ka qëlluar me tre plumba në kokë Ilir Alinë.
Vrasja e 40 vjeçarit është bërë në praninë e djalit të tij 15 vjeçar dhe nënës së tij.
NJOFTIMI I POLICISE
Në sallën operative të Drejtorisë Vendore të Policisë Shkodër ka ardhur një telefonatë për nje vrasje të ndodhur në lagjen “Qemal Stafa”, te “Ish Dekori”.
Me marrjen e njoftimit, shërbimet e Policisë kanë shkuar menjëherë në vendngjarje ku ka rezultuar se:
Pas një konflikti të çastit mes shtetasit I.A dhe D.Y, ky i fundit ka qëlluar me armë zjarri shtetasin I.A, ku si pasojë e të shtënave ka mbetur i vrarë shtetasi I. A., 40 vjeç, banues në lagjen Qemal Stafa.
Autori i dyshuar shtetasi D.Y, sipas informacioneve dyshohet se është fshehur në banesë, e cila është rrethuar nga Policia dhe pritet ndërhyrja e F.N.SH.
Grupi hetimor në vendngjarje po punon për grumbullimin e provave ligjore duke bërë të mundur sqarimin e rrethanave të ngjarjes si dhe dokumentimin ligjor të saj.
