Tre lëkundje tërmeti janë ndjerë në orët e para të mëngjesit në veri të vendit.
Sipas IGJEUM, lëkundja e parë ka qenë në orën 04:19 minuta të mëngjesit, me një magnitudë 4 të shkallës Rihter. Epiqendra ka qenë 17 km në verilindje të Koplikut, 28 km në veri të Shkodrës.
Pak minuta më vonë, në orën 04:28 ka pasur një tjetër lëkundje të lehtë 14 km në verilindje të Koplikut, me magnitudë 2.1.
Ndërsa dhjetë minuta më pas është ndjerë dhe lëkundja e tretë me magnitudë 3.4, 2 km në verilindje të Koplikut.
Nuk ka të dhëna për dëme apo të lënduar./Monitor
