Gjoba 163 milionëshe, që Bashkia e Tiranës i vendosi Partisë Demokratike për dëmet e protestës së 8 Dhjetorit, pritet të ketë kosto më të madhe per opozitën.
Burime nga Prokuroria e Tiranës bëjnë me dije se, veç Bashkisë, preventiv për dëmet kanë dërguar edhe Kryeministria, Ministria e Brendshme dhe ajo e Transporteve. Këto tre institucione kanë llogaritur veçmas të gjitha dëmet.
Nuk bëhet me dije shuma, por sqarohet se ajo arrin në dhjetëra milionë lekë. Nuk sqarohet nëse Ministria e Brendshme ka përfshirë në preventivin e saj shkatërrimin e bunkerit. Edhe godina e Kryeministrisë pësoi dëme.
Hetuesit në ditët në vijim pritet të therrasin për t’u pyetur për flasifikimin e shkrimit në gjobën e firmosur nga inspektori Besmir Karaj, disa zyrtarë të Bashkisë.
Do të japin sqarime të gjithë emrat e përmendur në kallzimin që ka krye Karaj.
Të parët që do pyeten është Drejtori i Policisë Bashkiake, Ermal Kapllani, si dhe Drejtoresha e Kabinetit, Anuela Ristani.
Ekspertët e Policisë Shkencore faktuan se shkrimi që kishte plotesuar gjobën nuk ishte i Inspektorit, ndërsa firma të fund të saj ishte e tij.
Tv Klan
