Policia franceze ka qëlluar për vdekje një grua të dyshuar si terroriste mbrëmjen e së enjtes.
Veç saj janë arrestur edhe dy gra të tjera. Ato po planifikonin një sulm terrorist para se forcat t’i kapnin në BoussySaintAntoine, në jug të Parisit.
Dyshohet se viktima dhe dy femrat e arrestuara kanë pasur lidhje me makinën e gjetur fundjavën e kaluar e parkuar pranë Katedrales së NotreDame, mjeti tip “Peugeot 607”, pa targa, e cila ishte e mbushur me bombola gazi.
Pasi ishte gjetur makina, policia ishte vënë në lëvizje duke u vënë në gjurmët e tre femrave, emrat e të cilëve ende nuk janë bërë të ditura.
Sapo forcat e policisë i janë afruar treshes, njëra prej tyre ka nxjerrë një thikë dhe ka plagosur një efektiv, kolegët e këtij të fundit kanë reaguar duke e qëlluar me armë duke i shkaktuar plagë vdekjeprurëse.
