Një 26-vjeçar nga Durrësi, i shpallur në kërkim për vrasje me dashje të mbetur në tentativë është arrestuar ditën e sotme nga policia.
26-vjeçari Markeljan Beqiri, ndodhej në një dhomë hoteli me dy djem dhe një vajzë në autostradën Tiranë-Durrës, më 9 dhjetor 2021. Ai qëlloi me armë zjarri shokun e tij Anri Sulejmani i cili mbeti i plagosur. Menjëherë pas ngjarjes u largua nga hoteli, ndërsa policia e kishte shpallur në kërkim.
Për ketë ngjarje Gjykata e Shkallës së Parë Durrës i ka caktuar 26-vjeçarit masën e sigurisë “Arrest me burg”, si i dyshuar për kryerjen e veprave penale “Vrasja me dashje” mbetur në tentativë, “Moskallëzimi i krimit”, “Veprime që pengojnë zbulimin e së vërtetës” dhe “Armëmbajtja pa leje”.
Materialet i kaluan Prokurorisë së Rrethit Gjyqësor Durrës, për veprime të mëtejshme./Opinion.al
