Një person me iniciale M. P, i shpallur në kërkim për përdhunimin e një të miture është arrestuar ditën e sotme nga Policia e Lezhës.
Sipas informacionit zyrtar të policisë, mësohet se shtetasi ishte i akuzuar për veprën penale “Marrëdhënie seksuale ose homoseksuale me dhunë me të mitur, 14-18 vjeç “. Forcat e rendit e kanë marr informacionin në rrugë operative duke bërë të mundur lokalizimin dhe arrestimin e përdhunuesit.
Ndërkohë, ka vijuar gjithashtu aksioni policor në Komisariatin e Policisë Kurbin, duke arrestuar një 34-vjeçar, i cili ka kanosur me thikë fqinjën e tij, për motive të dobëta.
Është bërë edhe ndalimi i një të riu me iniciale D.H pasi dyshohet se ka vjedhur targat e një automjet. Gjatë kontrollit në banesë të 21-vjeçarit, forcat e rendit kanë sekuestruar municione luftarake.
Njoftimi i policisë:
Vijon puna për parandalimin dhe goditjen e paligjshmërisë.
Vihen në pranga 3 shtetas, 2 prej tyre të shpallur në kërkim.
-Specialistët për Hetimin e Krimit në Komisariatin e Policisë Kurbin bënë arrestimin në flagrancë të shtetasit R.(K.). L., 34 vjeç, banues në fshatin Malbardhë, Kurbin, pasi ka kanosur me thikë fqinjën e tij, për motive të dobëta.
Shërbimet e Policisë Lezhë, në vijim të punës për kapjen e personave në kërkim dhe vënien e tyre para përgjegjësisë penale, mbi bazën e informacioneve të siguruara në rrugë operative, bënë të mundur lokalizimin, kapjen dhe ndalimin e shtetasit M. P., banues në Lezhë, i shpallur në kërkim veprën penale “Marrëdhënie seksuale ose homoseksuale me dhunë më të mitur 14-18 vjeç “.
Gjithashtu, nga shërbimet e Policisë Kurbin u bë ndalimi i shtetasit D. H., 21 vjeç, banues në Milot, Kurbin, pasi dyshohet të ketë vjedhur targat e mjetit në pronësi të shtetasit Z. F. Gjatë kontrollit të banesës të shtetasit D. H., u gjet dhe u sekuestrua një sasi municion luftarak.
Materialet hetimore i kaluan Prokurorisë së Rrethit Gjyqësor Lezhë dhe Prokurorisë së Rrethit Gjyqësor Kurbin, për veprime të mëtejshme./ Opinion.al
