BBC ka kërkuar falje pasi tifozët e futbollit e kritikuan që nuk e shkëputën transmetimin pasi Christian Eriksen u shemb në fushë gjatë ndeshjes së djeshme mes Danimarkës dhe Finlandës.
Mjekët i bënë mesazh kardiak mesfushorit danez, i cili ishte rrethuar nga shokët e tij të brengosur ndërsa BBC vazhdoi xhirimet.
Një shikues e përshkroi lëvizjen si “të papranueshme” ndërsa një tjetër tha se BBC kishte “traumatizuar një komb të tërë”.
Një tjetër shkroi në Twitter: ” Pse BBC nuk i ndaloi kamerat po shkuan direkt në studio sapo panë se ai po merrte CPR.
“Unë ndihem i sëmurë fizikisht pasi e kam parë këtë skenë në kohë reale.”, shkroi një tjetër.
Ndërsa një shikues komentoi: “BBC duhet të mendojë më shumë për çështjet e privatësisë dhe të reagojë më mirë kur diçka e tmerrshme ndodh drejtpërdrejt në TV.
Nuk kanë munguar edhe komentet e adhuruesve të futbollit të cilët panë bashkëshorten e futbollistit duke qarë.
“E papranueshme për të transmetuar gruan që qan dhe një burrë që merr CPR.”
Ndërkohë BBC ka reaguar pas komenteve të shikuesve.
Një zëdhënës tha: “Ne i kërkojmë falje kujtdo që është mërzitur nga imazhet e transmetuara.
“Mbulimi në stadium kontrollohet nga UEFA si transmetuesi kryesor dhe sa u ndërpre ndeshja, ne e tërhoqëm mbulimin tonë sa më shpejt të ishte e mundur”./Opinion.al
