Policia greke ka sekuestruar 101 kg drogë dhe një armë të premten në kufirin e gjelbër.
Burimet nga policia thanë se operacioni është zhvilluar në vendin e quajtur Kallpaq në Janinë.
Mësohet se një mjet që ishte nisur nga Shqipëria dhe po shkonte për në Janinë, drejtohej nga një grek, 50-vjeç, i cili u arrestua.
Policia tha se në sediljet e pasme të mjetit u zbuluan 65 pako me 101 kg e 350 gram marijuanë.
Ndërsa në sediljen e pasagjerit u gjet një armë zjarri automatike, “Kallashnikov” me një krehër pa fishekë. Gjathashtu u sekuestruan 200 euro dhe 2 celularë.
