Pesë persona janë arrestuar nga policia e Korçës për transportimin e 25 emigrantëve të paligjshëm me qëllim kalimin në vendet e BE-së.
Fillimisht në dalje të qytetit të Maliqit u arrestuan 4 persona të cilët po transportonin 21 emigrantë drejt Tiranës.
Ata po udhëtonin me mjetet tip “Benz” dhe “Range Rover” dhe u merrnin 500 euro çdo personi me qëllim kalimin e tyre drejt vendeve të BE-së.
Në pranga ranë Sivi Leka, 20-vjeç, Sulejman Ylli, 20 vjeç, Edison Dema, 22 vjeç dhe Fatmir Farruku 21 vjeç banues në fshatin Burizanë të Krujës.
Sikurse njofton policia, Sulejman Ylli është person i shpallur në kërkim për të njëjtën vepër penale.
Gjithashtu është arrestuar në flagrancë edhe 20-vjeçari A. V., banues në fshatin Kamenicë, Korçë, pasi u kap në dalje të qytetit të Pogradecit, duke transportuar me mjetin tip “Benz”, 4 emigrantë./Opinion.al
