Gjashtë persona të cilët transportinin emigrantë të paligjshëm, duke iu premtuar atyre kalimin drejt vendeve të BE-së, kundrejt fitimit prej 300-350 euro secilit, janë arrestuar.
Sikurse njoftohet, shërbimet e policisë iu kanë bërë me shenjë drejtuesve të mjeteve të ndalojnë, por ata nuk i janë bindur urdhrit të tyre dhe kanë vijuar duke kryer manovra të rrezikshme në rrugë. Më pas, policia është vënë në ndjekje të tyre duke i ndaluar në hyrje të qytetit të Pogradecit.
Në cilësinë e provës materiale u sekuestruan 5 mjete dhe 6 aparate celulare ndërsa në pranga ranë:
N. B., 40 vjeç dhe R. H., 41 vjeç, banues në Tiranë, të cilët u kapën pranë vendit të quajtur “Kryqëzimi i Libonikut” në Maliq, duke transportuar në drejtim të Tiranës, 18 shtetas të huaj, emigrantë të paligjshëm.
Po gjatë operacionit u kapën dhe u arrestuan edhe P. M., 27 vjeç dhe E. P., 23 vjeç, banues në Durrës, M. C., 35 vjeç, banues në Pukë dhe M. Sh., 25 vjeçe, banuese në Linzë, Tiranë, të cilët po transportonin në drejtim të Tiranës, 8 shtetas të huaj, emigrantë të paligjshëm./Opinion.al
