Dy persona kanë rënë në prangat e policisë dhe një është shpallur në kërkim pasi u kapën në flagrancë duke u përpjekur të trasportonin lëndë narkotike jashtë kufirit.
Sipas njoftimit të policisë 52 kg kannabis sativa po transportohej nga Tirana në drejtim të Shkodrës qëllim trafikimin drejt Malit të Zi.
Policia ka bërë të mundur ndalimin e dy automjeteve në fshatin Tresh të Lezhës ku në njërën makinë transportohej lënda narkotike dhe mjeti tjetër kishte si funksion sinjalizimin në rast evidentimi të forcave të policisë gjatë rrugës.
Gjatë kontrollit të kryer nga blutë në makinën tip ‘Benz’, e cila ishte në pronësi të 29-vjeçarit me iniciale A.K u gjet në bagazh lënda narkotike, që u sekuestrua si provë materiale.
Në prangat e policisë ka rënë 26-vjeçari me iniciale I. R dhe 33-vjeçari me inicile E.B të cilët ndodheshin në makinën përpara mjetit që transportonte drogën.
Në kërkim është shpallur drejtuesi i mjetit ‘Benz”,29-vjeçari me iniciale A.K,i cili kur ka kontatuar që blutë kanë bllokuar automjetin që i paraprinte, ka mbyllur makinën në afërsi të një karburanti dhe është larguar me shpejtësi.
Materialet iu referuan prokurorisë, për veprime të mëtejshme, për veprën penale “Prodhimi dhe shitja e narkotikëve./Opinion.al/
