“Pas Tiranës i gjithë transporti publik ka kaluar në “Google Maps” duke ndihmuar turistët e shumtë që zgjedhin të vizitojmë vendin tonë. Konkretisht ne kemi zgjedhur si destinacion qytetin juglindor të Korçës për të udhëtuar me transport publik dhe arrijmë për 4 orë e 23 minuta. Në Google Maps përcaktohen edhe orari i udhëtimit nëse zgjedhim për të udhëtuar në një nga pikat e kryeqytetit. Ne kemi zgjedhur për të marrë autobusin tek stacioni i Piramidës për të na çuar tek terminali juglindor dhe me pas për të marrë autobusin për të na çuar në qytetin e Korçë”, raporton gazetarja e Tv Klan Erikleda Dorezi.
Të dhënat që përcaktohen në “Google Maps” përfshijnë çdo stacion urbani qytetar, linjat e transportit ndërqytetës, oraret e operimit, itinierari i linjave, vendndodhja e terminaleve, destinacionet turistike dhe eventet e ndryshme.
Rrjeti i linjave ndërqytetëse përbëhet nga 402 linja aktive në të cilat janë licencuar 229 subjekte për operim me 1782 mjete.
Menaxhimi i sektorit të transportit ndërqytetës kryhet nga platforma elektronike eTransport, krijuar nga Drejtoria e Përgjithshme e Shërbimeve të Transportit Rrugor, në bashkëpunim me Ministrinë e Infrastrukturës dhe Energjisë dhe Agjencinë Kombëtare së Shoqërisë së Informacionit.
Paralelisht po punohet për fazën tjetër për pajisjet e transaksionit elektronik të biletimit, ku do të garantohet cikli i plotë të gjenerimit të biletës, pagesën online, rezervimin e vendit të lirë në mjetin e udhëtimit, prerjen e biletave në mjetet e transportit apo kudo tjetër.
Tv Klan
