E thotë prestigjiozja spanjolle “Marca”. Real Madridi ka arritur një marrëveshje me Monakon lidhur me transferimin e talentit francez, Kylian Mbappe. Përmes një shume rekord, sulmuesi ndërkombëtar i Francës do të bëhet lojtar i “Los Blancos” dhe do të nënshkruajë një kontratë gjashtëvjeçare me kampionët e La Liga-s dhe të Europës në fuqi. Ky do të bëhet transferimi më i shtrenjtë deri më tani, në historinë e futbollit. 180 milionë eurot do të paguhen në këtë mënyrë: 160 si shumë fikse dhe 20 të tjera në bazë të objektivave, edhe pse burime të tjera tregojnë se negociatat e operacionit mund të jenë të mbyllura sipas variantit 150 + 30 milionë. Në çdo rast, shuma totale është 180 milionë euro dhe duket se i jep fund sagës Neymar-PSG, si dhe rrëzon rekordin aktual në këtë drejtim, 105 milionë euro që pagoi Manchester United për të marrë Paul Pogba nga Juventusi, verën e kaluar.
18-vjeçari francez mësohet se ka pranuar të nënshkruajë për gjashtë sezone, duke përfituar në secilin prej tyre rreth shtatë milionë euro neto. Pas takimit të javës së kaluar mes përfaësuesve të Real Madridit dhe Monacos, në të cilin klubi nga Principata kërkoi 190 milionë euro, transferimi i lojtarit ishte vetëm çështje orësh, sepse mungonte miratimi i trajnerit Zidane, i cili ka qenë inciator i kësaj lëvizjeje bombë të merkatos së kësaj vere. Ai u bind edhe më shumë për ta marrë Mbappe, pas largimit të Morata te Chelsea. Kësisoji, ai kishte një takim të jashtëzakonshëm me Florentino Perez dhe Jose Angel Sanchez. Edhe pse Zidane nuk e ka fshehur admirimin e tij për patrioti i tij, trajneri i “Los Blancos” kishte mbajtur rezerva të caktuara në lidhje me vështirësitë që mund të hasë talenti francez me integrimin në BBC (Bale, Benzema dhe Cristiano).
Manchester City i kishte intensifikuar përpjekjet e tij në javët e fundit për Mbappé, çka bëri që Monaco të lëshonte një deklaratë, duke pohuar se klubet e mëdha europiane janë të interesuara për 18 vjeçarin. Madje, u tha se Guardiola ishte takuar një mbrëmje me lojtarin dhe të atij e tij menaxher. Sidoqoftë, Manchester City e ka marrë vesh tani se marrëveshja mes Real Madridit dhe Monacos është arritur dhe sulmuesin në fjalë e ka humbur. Edhe PSG-ja, që ka nisur të negociojë me Neymar, në pritje të Mbappé, e dinte se shanset ishin të pakta, për shkak se Monaco nuk dëshironte ta shiste lojtarin në “Ligue 1”, duke përforcuar kështu një rival të drejtpërdrejtë.
