Bota

Tramp dëshiron tërheqjen e trupave nga Afganistani deri në Krishtlindje


Bëhu pjesë e Grupit Zyrtar të Opinion.al
>> KËTU <<
               Publikuar në : 08:57 - 08/10/20 |
Al Do

Presidenti i Shteteve të Bashkuara, Donald Tramp, tha se ai dëshiron tërheqjen e trupave amerikane nga Afganistani deri në Krishtlindje. Ky afat kohor është më i afërt sesa ai që ka propozuar më parë.

Mesazhi i Tramp vjen katër javë para zgjedhjeve presidenciale të SHBA-së, ndërsa ai synon të mbajë premtimin e tij parazgjedhor të vitit 2016, për të përfunduar “luftërat e SHBA-së”.

Angazhimi ushtarak amerikan në Afganistan filloi 19 vjet më parë, pas sulmeve terroriste të 11 shtatorit 2001, dhe kjo është bërë lufta më e gjatë amerikane.

Vetëm disa orë para deklarimit të Tramp, Këshilltari për Siguri Kombëtare i Shtëpisë së Bardhë, Robert O’Brajen tha se në fillim të vitit të ardhshëm, Shtetet e Bashkuara do të ulin numrin e trupave që kanë në Afganistan në 2,500.

Uashingtoni filloi tërheqjen e disa prej trupave të tij pasi nënshkroi një marrëveshje me talibanët më 29 shkurt.

Marrëveshja parashihte fillimin e negociatave mes talibanëve dhe qeverisë në Kabul për të arritur një marrëveshjeje të ndarjes së pushtetit dhe përfundimit të dhunës. Megjithatë, procesi negociator është shoqëruar me ngecje.

Sipas marrëveshjes, forcat e huaja do të largohen nga Afganistani deri në maj të vitit 2021 në këmbim të garancive kundër terrorizmit nga talibanët.

Një armëpushim është një përparësi kryesore për zyrtarët afganë dhe diplomatët perëndimorë të cilët janë duke lehtësuar bisedimet në Katar.

Pas