Paolo Tramexani ka përjetuar një debutim totalisht për t’u harruar në ndeshjen e tij të parë si trajner i Luganos. Në ndeshjen e sotme të vlefshme për javën e 19 të Super Ligës zvicerane, skuadra e Tramexanit dhe sulmuesit Armando Sadiku u mposht në transfertë me rezultatin 4-0 përballë Bazelit.
Paolo Tramexani ka përjetuar një debutim totalisht për t’u harruar në ndeshjen e tij të parë si trajner i Luganos. Në ndeshjen e sotme të vlefshme për javën e 19 të Super Ligës zvicerane, skuadra e Tramexanit dhe sulmuesit Armando Sadiku u mposht në transfertë me rezultatin 4-0 përballë Bazelit.
Sulmuesi i kombëtares u aktivizua si titullar dhe qëndroi në fushë për 90 minuta të plota, por nuk mundi të shfaqte asgjë nga potenciali i tij. Ndërkohë mesfushori i Bazelit, Taulant Xhaka, mungonte në këtë takim për shkak kartonësh. Në tribunë ishte si spektator edhe trajneri i kombëtares shqiptare, Xhani De Biazi, i cili preferoi ta ndiqte nga afër debutimin e mikut të tij Tramexani, si dhe të mbante një sy te gjendja e Sadikut duke qënë se po afrohet ndeshja ndaj Italisë.
Pas këtij takimi, Lugano mbetet përkohësisht në vendin e parafundit të renditjes me 18 pikë të grumbulluara në 19 ndeshje, ndërsa Bazeli udhëheq renditjen me 50 pikë, 15 më shumë se vendi i dytë që mbahet nga Jang Bojs.
Ndërkohë në Serinë B italiane, Bari i Migjen Bashës fitoi në shtëpi me rezultatin 2-1 ndaj Viçenzës. Mesfushori shqiptar ishte në fushë për 90 minuta të plota dhe u ndëshkua me karton të verdhë në minutën e 82-të.
Janina e Andi Lilës barazoi në shtëpi me rezultatin 1-1 përballë Panathinaikosit në një ndeshje të vlefshme për javën e 19 të Super Ligës greke. Futbollisti shqiptar ishte në fushë për 90 minuta të plota.
