Te skuadra e Fulhamit në Premier League nuk ka qetësi.
Faktet tregojnë se dhomën e zhveshjes nervat janë të tendosura.
Edhe pse trajneri Ranieri është përpjekur të ulë gjakrat, duke organizuar një seancë joga, sërish lojtarët janë rrahur me njëri-tjetrin.
Mitrovic dhe Kamara nuk u mjaftuan me sherrin në fushë disa javë më parë gjatë ekzekutimit të një penalltie.
Francezi i rrëmbeu topin nga duart serbit por më pas gaboi nga 11 metra duke acaruar situatën në ekipin që renditet në vendin e parafundit të renditjes.
Por sipas “The Sun”, Mitrovic dhe Kamara, e shndërruan seancën e jogas në një përleshje të vërtetë fizike ku thuhet se u desh ndërhyrja e shokëve të skuadrës për të shuar me shumë vështirësi sherrin.
