Sulmuesi Suedez, Zlatan Ibrahimovic është shprehur se mund të rikthehet kur ai dëshiron në kombëtaren suedeze.
Gjatë një interviste në Los Angelos, Ibrahimovic është shprehur: “Për mua, dera e ekipit kombëtar është gjithnjë e hapur, nëse dëshiroj mund të shkoj dhe të luaj në Rusi”.
Por ka qenë vetë trajneri i Suedisë që e ka kundërshtuar këtë derklaratë të sulmuesit suedez.
“Nuk vendos ai. Zlatan është larguar nga Kombëtarja në vitin 2016. Nëse ka ndryshuar mendje duhet fillimisht të më kontaktojë mua dhe jo unë atë” ka thënë trajneri i Suedisë, Janne Andersson.
Mes sulmuesit dhe trajnerit mund të thuhet se ka nisur tashmë një betejë për të vendosur se kush do të vendosë për praninë e Ibrahimovic në Botëror.
“Unë mendoj për skuadrën, për punën që është bërë dhe do të bëhet. Dua të bëjmë një paraqitje të mirë në Botëror, ashtu sikurse bëmë ndaj Italisë, kur e eliminuam. Një gjë nuk e diskutoj: Këtu komandoj unë dhe ai që do të zgjedh lojtarët që do të shkojnë në Botëror, jam unë” ka shtuar me tej Andersson.
Kjo situatë është pasqyruar tashmë edhe tek tifozët që thonë se prania e Ibrahimovic në kombëtare pas 2 vitesh është e padrejtë.
