Trajneri i Argjentinës, Jorge Sampaoli, ka folur pas eliminimit nga Kampionati Botëror ‘Rusia 2018’ pasi u mundën në fazën e parë të eliminimit direkt nga Franca me rezultat 4-3.
Tekniku argjentinas ka thënë skuadra ka bërë çdo gjë për të ndihmuar Lionel Messin të bëjë lojën e tij në këtë Botëror.
“Kjo është shumë e dhimbshme, veçanërisht pasi lojtarët kanë bërë një përpjekje të madhe”.
“Ishte një ndeshje shumë e vështirë, por ne nuk arritur qëllimin tonë këtu në Rusi. Jam i mërzitur dhe i frustruar, mendoj se është normale”.
“Nuk do e vendosi të ardhmen time sot. Mendoj se i jemi adaptuar nevojës, në vend se të kishim një ide të qartë”.
“Messi? Kemi provuar shumë taktika të ndryshme rreth tij, t’i krijonim hapësira, pra ne provuam çdo gjë për t’i lejuar atij të bëjë atë që mundet. Disa herë ia kemi arritur, disa herë jo”.
“Lojtarët luftuan deri në fund dhe gati sa nuk barazuan dhe kjo është ajo çfarë ka vlerë. Ata punuan shumë dhe dua t’i falënderoj”, ka thënë Sampaoli pas ndeshjes.
