Traileri i sezonit të ri të serialit “Keeping Up With the Kardashians” ka mërzitur së tepërmi ndjekësit pasi gjithçka bazohet në traumën që Khloe Kardashian kaloi pas tradhtisë së partnerit Tristan Thompson me mikeshën e ngushtë të familjes, Jordyn Woods.
Përdoruesit e rrjetit social Twitter kanë shpërthyer në komente për faktin që skandali i tradhtisë po përdoret për publicitet.
“Drama Jordyn-Kylie-Tristan ndodhi javën e kaluar dhe ju e përfshitë atë në sezon që tani? Kris Jenner nuk fle #KUWTK”, shkroi një komentues.
“ Anulojeni këtë show-n skandaloz e të stisur, boll e transmetuat biznesin tuaj në TMZ dhe do të keni të gjithë privatësinë që dëshironi”, shkruan një tjetër.
Vëmendje ka tërhequr reagimi i Khloe Kardashian ndaj tradhtisë dhe momenti kur ajo bërtet “Gënjeshtare” teksa sheh reagimet e Jordyn për skandalin e tradhtisë.
Pra gjatë gjithë kësaj drame familjare, Kris Jenner ka dhënë urdhër që kamerat të mbaheshin të ndezura dhe gjithçka për të dhënë show, kështu që nëse menduat se drama mes Khloe Kardashian, Tristan Thompson dhe Jordyn Woods ka mbaruar, e keni gabim!
Kujtojmë se kjo është çështje është parë nga ndjekësit dhe si një lojë e stisur marketingu, sepse çdo vit para nisjes së serialit në klanin Kardashian-Jenner ka një skandal të madh që mban publikun pezull./Opinion.al
