Katër fëmijë të së njëjtës familjes janë prekur nga fruthi në fshatin Berishë i Epërm i Bashkisë Fushë-Arrëz. Ky fshat ka qenë i izoluar nga bora prej një jave, ndaj fëmijët janë dergjur në shtrat ku fatkeqësisht vajza 13 vjeçe humbi jeten. Pas vdekjes së saj, shteti ka marrë masa duke çuar helikopter në zonën e bllokuar nga bora për të transportuar në spital 3 fëmijët e tjerë. Sot mësohet se vajza tjeter e famijes, 11 vjeçe është në gjendje të rëndë shëndetësore.
Mjekja e QSUT-të, Ermira Kola tha se “11 vjeçarja për momentin ndodhet në gjendje të rëndë shëndetësore për shkak të pneumonisë. Dje kishte ardhur me shenja temperature, vështirësi në frymëmarrje dhe me skuqje në trup. Mund të themi se për dyshimet e fruthit janë bërë analizat dhe jemi në pritje të përgjigjes. Ndërsa dy djemtë janë në gjendje të mirë shëndetësore dhe po mbahen në pavijonin e infektivit”.
Sakaq, Sali Berisha ka denoncuar se bashkia nuk ka marrë masa për të nxjerr nga izolimi këtë fshat dhe për ti shkuar në ndihmë familjes që kishte 4 fëmijët të sëmurë.
