Një ngjarje tragjike ka ndodhur sot pasdite në qytetin e Sarandës, ku një burrë ende i paidentifikuar i ka vënë flakën vetes. Ngjarja ka ndodhur rreth orës 17:43, në lagjen nr.4, poshtë rrugës “Mitat Hoxha”, ku një person i paidentifikuar ende, i ka vënë flakën vetes me lëndë djegëse të dyshuar “benzinë” dhe për shkak të djegieve në trup ka ndërruar jetë, tha policia.
Në vendin e ngjarjes, pranë trupit të pajetë, policia ka gjetur një kapele dhe një bidon plastik me mbetje të lëndës djegëse si ajo e benzinës. Viktima është i seksit mashkull, rreth 175 cm i gjatë, rreth moshës 30-40 vjeç. Ende nuk dihet identiteti i viktimës dhe as shkaqet që e çuan drejt aktit fatal.
