Në tragjedinë e ndodhur në Shkup, ku një autobus doli nga rruga duke i marrë jetën 14 personave, ka edhe mrekulli.
Një nga prindërit ka rrëfyer për mediat vendase, se ka qenë ai vetë që e ka nxjerrë të gjallë fëmijën e tij nga rrënojat e autobusit
“Djali më njoftoi në telefon dhe më tha eja se kemi bërë aksident. Jam nisur nga Gostivari drejt drejt vendit të ngjarjes. Ka qenë e tmerrshme. E kam nxjerrë vetë me duart e mia, djalin tim”, është shprehur një nga prindërit.
Aktualisht në tragjedinë e ndodhur në fshatin Llaskarcë, numërohen 14 viktima dhe 20 të plagosur. Ky është një nga aksidentet rrugorë më të tmerrshëm që ka prekur Maqedoninë që nga krijimi i shtetit të pavarur. Dl
