Pas tragjedisë së ndodhur në Pukë, ku burrë dhe grua humbën jetën nga zjarri që përfshiu banesën e tyre si pasojë e një shkëndije elektrike, ndërsa fëmijët e çiftit mundën të shpëtonin, Ministria e Shëndetësisë dhe Mbrojtjes Sociale thotë se ka nisur identifikimi i një familjeje të përshtatshme që do të marrë në kujdestari 4 të miturit.
Ndërkohë fëmijëve iu është caktuar një pension social, ndërsa bashkia ka marrë përsipër rindërtimin e shtëpisë. Aktualisht fëmijët janë të strehuar tek gjyshja e tyre ku do të qëndrojnë deri në përcaktimin e kujdestarisë.
Kujtojmë se ngjarja e rendë ka ndodhur në orët e para të mëngjesit të së hënës në fshatin Breg të Pukës, dhe si pasoje e flakëve që përfshinë banesën humbën jetën Petrit dhe Dava Ndoj, përkatësisht 40 dhe 35 vjeç./Opinion.al
