Tragjedia në Paris e cila u përkthye në një numër shumë të madh viktimash, duket se ka krijuar një panik akoma edhe më të madh tek njerëzit në mbarë botë.
Po ti hedhësh një sy rrjeteve sociale, të gjithë pa përjashtim njerëz të thjeshtë apo edhe personazhe publik, kanë postuar fotografi apo edhe statuse kushtuar kësaj tragjedie…
Por në të gjithë këtë situatë kaotike që ka pushtuar gjithë botën jemi kuriozë të dimë, kjo vëmendje karshi Francës bëhet për solidaritet, dhimbje, apo thjesht modë?! A do të kishin qenë francezët kaq solidarë sa ne, në rast se një tragjedi e tillë do të prekte vendin tonë?!
Duke mos mjaftuar ky fakt shqiptarët kanë shfrytëzuar edhe një tjetër aplikacion në Facebook, që i shpallte të sigurt në Paris. Në fillim këtë aplikacion e përdorën ata njerëz që jetojnë vërtet në Francë, por edhe me mijëra shqiptarë që jetojnë “vërtet” në Tiranë…
Ndonjëherë duket sikur ne shqiptarët e teprojmë pak më shumë seç duhet me solidaritetin kundrejt vendeve të tjera. Ndonëse çështjet e sigurisë dhe të fenomeneve natyrore, i bëjnë njerëzit gjithnjë më të ndjeshëm dhe vëmendshëm, kundrejt tyre.
Ndoshta përjetimet e secilit prej tyre, që i kanë mbushur faqet e tyre sociale me foto e fjalë të ndjera nga Parisi, i kanë përjetuar vërtetë ato që kanë shkruar…
Ku i dihet?!
