Maqedonia e Veriut është tronditur nga një tragjedi që ka ndodhur në Koçan. Gjatë orëve të para të mëngjesit atje shpërtheu një zjarr në një klub nate. Ministri i Brendshëm, Pançe Toshkovski, ka deklaruar se deri më tani të paktën 51 persona kanë humbur jetën.
Nuk dihet saktë as numri i të plagosurve, por mediat raportojnë se bëhet fjalë për të paktën 100 të lënduar. Një pjesë e tyre po marrin mjekim në Shkup. Zjarrit nuk i kanë shpëtuar edhe të mitur që kanë djegie në fytyrë dhe duar sipas autoriteteve.
Këtë mëngjes, shumë njerëz shkuan në vendin e ngjarjes. Disa në kërkim të familjarëve të tyre, pasi nuk e dinë nëse janë gjallë apo të vdekur.
“Po kërkoj mbesën time. Nuk po na lejojmë të hyjmë dhe nuk e dimë ku është ajo. Telefoni i saj është duke punuar, por ajo nuk po përgjigjet. Ishim në spitalin në Koçan, në Shtip, disa njerëz i kanë dërguar në Shkup. Ndoshta është e plagosur dhe nuk mund të përgjigjet. Dikush duhet të na tregojë me urgjencë ku të kërkojmë”, ka thënë një grua për Radion Evropa e Lirë.
Në vijim pritet që autoritetet të dalin në një deklaratë për të zbuluar më shumë detaje rreth kësaj tragjedie.
Si nisi zjarri?
Deri më tani autoritetet nuk e kanë treguar se çfarë e shkaktoi zjarrin dhe si u përhap. Mirëpo sipas mediave lokale, zjarri është përhapur nga mjetet piroteknike që janë përdorur gjatë një performance nga grupi maqedonas ADN.
Gjatë kohës së shpërthimit të flakëve, diskoteka ka qenë e mbushur me njerëz. Rreth 1500 persona mendohet se kanë qenë të pranishëm.
Drejt vendit të ngjarjes kanë shkuar në ndihmë me dhjetëra ambulanca nga Shkupi ndërkohë që u aktivizua për ndihmë edhe një helikopter i Ministrisë së Brendshme.
Kuzey Makedonya’nın Kocani kasabasındaki bir barda meydana gelen ve 50 kişinin hayatını kaybetmesine neden olan yangın faciasının ilk anları. https://t.co/DVNa11nHJB pic.twitter.com/ZysDtsfNIM
— gdh (@gundemedairhs) March 16, 2025
At least 50 people died in a fire at a nightclub in Kocani, North Macedonia, local media reports.
A catastrophic fire broke out at Club Pulse around 3:00 a.m. in the town of Kocani sparking a mass stampede.#Club_Pulse #Kocani #North_Macedoniapic.twitter.com/PjaCxR9SXv
— ⚡️🌎 World News 🌐⚡️ (@ferozwala) March 16, 2025
