Një tragjedi familjare u shënua sot në Vlorë, ku burrë e grua u gjetën të vdekur, pasi ishin asfikësuar nga rrjedhja e gazit. Me çiftin e bashkëshortëve jetonte edhe mbesa e tyre 8 vjeçe, e cila kishte prindërit në Itali. Fatmirësisht mbrëmjen e djeshme dhe paraditen e sotme vajza nuk kishte qenë në shtëpi.
Në foton më poshtë duket momenti i trishtë, kur 8-vjeçarja mëson se gjyshërit që e rritën, nuk jetojnë më.
Gruaja me emrin Antoneta, fqinje me çiftin Tata, rrëfen: “Vajza erdhi dje pas mesditës të luante në shtëpinë time. Ajo fjeti tek ne, pasi gjyshërit nuk erdhën ta marrin, dhe ne nuk e dërguam pasi menduam se Prena do ishte në punë. Ndërsa sot në mëngjes shkuam trokitëm në derë por askush nuk na u përgjigj. Shkova tek vendi ku punon dhe atje më thanë se nuk kishte shkuar në punë sot. Më pas u shqetësuam dhe telefonuam policinë”.
Rrok Tata dhe Prena Tata përkatësisht 60 dhe 56 vjeç u gjetën të asfiksuar në banesë dhe dyshohet se shkak ka qenë rrjedhja e gazit. Paraprakisht u tha se vdekja ka qenë aksidentale, por me kalimin e orëve kanë dalë fakte të reja dhe tashmë dyshohet se gruaja ka hapur qëllimisht gazin duke kryer kështu vrasje dhe vetëvrasje.
Sipas fqinjeve çifti i bashkëshortëve jetonte në varfëri të madhe dhe kishin mosmarrëveshje. Dyshohet se ata kanë humbur jetën para 15 orësh, por janë gjetur vetëm sot, pasi fqinjët njoftuan policinë.
Viktimat janë transportuar në morgun e Spitalit të Vlorës për t’u kryer ekspertiza mjeko-ligjore dhe për të hedhur dritë mbi shkaqet e vdekjen e tyre.
/Opinion.al
