Një ngjarje tejet e rëndë ndodhi pasditen e djeshme në fshatin Romanat të Durrësit. Flakët e zjarrit përpinë një banesë ku humbën jetën tragjikisht trinjakët, 3 vjeçarë të familjes Konçi. Nga të dhënat paraprake, mësohet se fëmijët kanë qenë të vetëm në banesë dhe dyshohet se kanë ndezur një shkrepëse. Ngjarja përpos paqartësisë është veshur edhe me paragjykim: Se si janë gjendur të vetëm fëmijët në banesë?
Në media u raportuan disa variante: Si nëna kishte shkuar në shkollë për të marrë vajzat e rritura, apo se ka qenë tek nëna e saj, tek vjehrri, etj.
Gjithsesi, një variant e ka edhe Nuni i fëmijëve i cili në një rrëfim për JOQ ka thënë se ka qenë ndër të parët që ka shkuar për të shuar flakët. Ai gjithashtu kërkon që të mos paragjykohen prindërit.
“Ju lutem mos abuzoni me ngjarjen e trinjakeve sepse mamaja e tyre ka qen ke vjehrri, dmth 30 metra larg, por zoti e pati shkruar te ndodhte keshtu. Ishte tymi qe sna la te benim gje per t’i shpetuar.
E dyta si rrodhi ngjarja edhe zoti nuk i shpëtonte sepse cdo gje u nxi ne tym per 30 sec. Une jam nuni i atyre fëmijëve. Shkaku ka qene se kane mar nje shkrepse dhe kan djeg perden. Babai i femijeve ka qene ne pune.
Ajo nene dhe ai baba i ka rritur me gjak kur i thonë. Vete ata kane mbyll deren e dhomës nga brenda, jo te shtepise. Dritarja ka qene me kangjella. Tentova te shqyej hekurat, por e pamundur. Nga korridori nuk hyje dot nga asfiksia. Cdo gje ka ndodhur per 3 min. Kam qene i pari pas nenes se tyre”, ka deklaruar nuni i fëmijëve fatkeq që vdiqën nën tmerrin e flakëve.
