Kryeministri Edi Rama ka reaguar në lidhje me ngjarjen e rëndë të ndodhur në Maqedoninë e Veriut, ku humbën jetën 51 persona për shkak të zjarrit që përfshiu një lokal natë në Koçan.
Nëpërmjet një postimi në rrjetet sociale, kreu i qeverisë shpreh ngushëllime për familjarët e viktimave, ndërsa uron shërim të shpejt për të plagosurit.
Po ashtu, kryeministri shkruan “i përcjell po ashtu kryeministrit Mickovski dhe autoriteteve të vendit fqinj ngushëllimet në emër të Shqipërisë e shqiptarëve, duke shprehur gatishmërinë për çfarëdoqoftë ndihma jonë mund të jetë e nevojshme”.
Reagimi i kryeministrit Rama
Me një ndjenjë hidhërimi të veçantë u përcjell vëllezërve e motrave të Maqedonisë së Veriut ngushëllimet e mia për tragjedinë e madhe të Koçanit. Jam pa fjalë dhe lutem që të lënduarit të shërohen dhe që familjarët e viktimave të gjejnë forcën të përballojnë humbjen e tyre të pangushëllueshme. I përcjell po ashtu kryeministrit Mickovski dhe autoriteteve të vendit fqinj ngushëllimet në emër të Shqipërisë e shqiptarëve, duke shprehur gatishmërinë për çfarëdoqoftë ndihma jonë mund të jetë e nevojshme.
