Janë përcjellë në banesën e fundit, sot në orën 14:00, 8 pjestarët e familjes Zykaj. Një ngjarje tejet e rëndë që tronditi Selenicën. Bashkëfshatarë të shumtë, të njohur, të afërm dhe persona që i janë bashkuar kësaj dhimbje të thellë. Ata janë varrosur jo shumë larg banesave të tyre, në tokat e të parëve. Kjo sipas amanetit të gjyshit, i cili sa ishte gjallë kishte thënë “më varrosni në tokat tona”.
24-vjeçari, Ridvan Zykaj vrau me kallashnikov vëllain e gjyshit të tij me gruan, dy djemtë e çiftit të të moshuarve, edhe ata me gratë e tyre, si dhe dy fëmijët e njërit prej djemve, Sarën 17 vjeçe dhe Ledionin vetëm 6 vjeç.
75 vjeçari Demir Zykaj, ishte shprehur se kur të vdiste donte të varrosej në tokat e tij, pa e ditur se bashkë do të merrte djemtë, nuset, nipin e mbesën. Nga gjithë familja e Demir Zykajt kanë shpëtuar tre djem që fatmirësht nuk ndodheshin në banesë kur ndodhi krimi masakër.
Viktimat:
Demir Zykaj 76 vjeç (kryefamiljar), Perri Zykaj 76-vjeç (bashkëshorte); Besim Zykaj 45-vjeç (i biri), Vasilika Zykaj 40 vjeç (bashkeshorte e Besimit), Sara Zykaj 17 vjeçe (vajza e Besimit) Ledion Zykaj 6 vjeç (djali i Besimit); Azem Zykaj 49 vjeç (i biri), Afërdita Zykaj 47-vjeç (bashkeshorte e Azemit).
