Thuajse 18 vite pas tragjedisë së 9 janarit 2004, ku në gjirin e Vlorës u shënuan 28 të vdekur, trupat e 8 prej të cilëve ende rezultojnë të zhdukur, familjarët e viktimave kanë folur për mediat pas padisë në SPAK.
Aktualisht kjo dosja u rikthye në prokurorinë e Vlorës për moskompetencë, ndërsa familjarët nuk kanë qenë dakord me këtë veprim, duke e akuzuar këtë institucion për korrupsion.
Familjaret e viktimave kërkuan zbardhja e çështjes dhe dënimin e fajtorëve të tragjedisë me 28 viktima kryesisht nga Shkodra të cilët ishin nisur në kërkim të një jete më të mirë.
“Kemi hapur disa gjyqe në Prokurorinë e Vlorës, e cila ka qenë e korruptuar. Nuk ka pasur as kompetenca për ta trajtuar. Është e tragjedia më e rëndë në histori. Nuk u bë operacioni i kërkim-shpëtimit për të shpëtuar ata njerëz. I lanë atje për t’u fundosur. Pas 18 orësh ka nisur kontrollet anija italiane. Ne na e mbyllën çështjen që mos të dilte ky grup kriminal. Ne i kërkojmë SPAK zbardhjen e çështjes, të vihen para drejtësisë kriminelët që na kanë vrarë fëmijët. I lanë 17 orë 13 km afër bregut. Ne kemi 8 vetë të zhdukur. Si kemi gjetur ende”-ka thënë Nikollë Mehillaj./Opinion.al
