Tragjedia ajrore/ Kthesë në hetimet për avionin ku u zhduk Sala

Tragjedia ajrore ku humbi jetën futbollisti Emiliano Sala tronditi botën. Deri më tani nuk kishte asnjë gjurmë, por sot mediat botërore raportojnë se hetimet kanë marrë një kthesë të fortë: Janë gjetur disa mbetje që dyshohet se i përkasin avionit ku udhëtonte futbollisti. Lajmi për gjetjen e mbetjeve konfirmuar dhe nga Agjencia Britanike e Hetimit të Aksidenteve Ajrore.
Policia bregdetare e Guernseyt, zona britanike që mbulon territorin detar ku dyshohet se ka rënë avioni privat, ka gjetur mbetje që dyshohet se janë të mjetit që transportonte futbollistin e sapoblerë nga Cardiff City”. Kështu janë gjetur dy sedilje që besohet se rrymat detare i kanë nxjerrë në breg. Në bashkëpunim me kërkuesit privatë, hetuesit britanikë kanë bërë të ditur se do të angazhojnë disa mininëndetëse speciale për të gjetur mbetjet e avionit, që dyshohet se ndodhen qindra metra nën sipërfaqe.
Avioni i vogël ku udhëtonte futbollisti 28-vjeçar Emiliano Sala u zhduk nga radarët para një jave. Sala udhëtonte nga Franca drejt Britanisë së Madhe, kur papritur u ndërpre komunikimi në radio dhe humbi nga radarët. Para përplasjes, Sala kishte lënë një mesazh zanor që ua kishte dërguar shokëve të tij ku thoshte se kishte frikë për atë që më pas rezultoi fatale, rrëzimin e avionit privat “Piper”./Ri-De