Të paktën 20 persona kanë vdekur në brigjet e Libisë ditën e sotme teksa një anije është mbytur. Mes të vdekurve raportohet të ketë edhe fëmijë. Rreth 200 persona ranë në det nga anija e mbingarkuar që ndodhej 37 kilometra larg bregut libian kur ndodhi aksidenti, raporton “Al Jazeera”.
Anija e ndihmës humanitare“ Phoenix”, ka nisur kërkimin dhe po shpërndan jelekë shpëtimi për shumë refugjatë që gjenden ende në ujë.
“Kjo nuk është një skenë nga një film horror, është një tragjedi reale që po ndodh sot në portat e Evropës”, tha Chris Catrambone, një nga anëtart e anijes.
