Një aksident i rëndë ka ndodhur ditën e dielë në Kosovë. Një autobus është përplasur me një automjet në aksin Suharekë-Duhël, duke shkaktuar vdekjen e 5 personave. Raportohet se në mesin e viktimave janë 3 fëmijë.
“Rreth orës 13:21 minuta në magjistralen Suharekë – Duhel ka ndodhur një aksident i tmerrshëm komunikacioni me ç’rast kanë humbur jetën pesë persona: dy të rritur dhe tre fëmijë”, bën të ditur zedhenesi i policisë së Kosovës.
“Vdekjet janë konfirmuar nga emergjenca e cila ka dalë në vendin e ngjarjes. Aksidenti ka ndodhur mes një automjeti të llojit BMW dhe një autobusi”.
Nga vendi i ngjarjes dëshmitarë kanë treguar për klankosova.tv se viktimat janë të një familjeje.
Nga të dhënat paraprake dyshohet se rregullat e qarkullimit i ka thyer drejtuesi i autobusit.
