Një ngjarje e rëndë ka ndodhur në Greqi, ku një varkë me emigrantë është përmbysur në brigjet e ishullit Mikonos.
Mediat e huaja raportojnë se si pasojë e aksidentit kanë humbur jetën tre persona dhe të paktën 12 të tjerë besohet të jenë të zhdukur.
Trupat e dy grave dhe një burri u gjetën gjatë një përpjekjeje kërkimi që filloi në orët e para të së premtes pasi një varkë u përmbys në detin Egje pranë Mykonos, tha roja bregdetare.
Dy burra, një sirian dhe një palestinez, u shpëtuan dhe sipas llogarive të tyre në bordin e varkës ndodheshin gjithsej 17 persona, mes tyre 4 deri në 5 gra dhe një vajzë 7-vjeçare.
Në zonë po operojnë dy anije të trupës portuale, një helikopter dhe mjete tokësore, ndërsa pritet një skalion i grupit të misionit të nëndetëseve dhe një anije në det të hapur të nisen në një mision kërkimi dhe shpëtimi, shtoi zyrtari.
Greqia ka qenë prej kohësh një nga pikat kryesore të hyrjes në Bashkimin Evropian për refugjatët dhe emigrantët nga Afrika, Azia dhe Lindja e Mesme.
Shumica kalojnë me varka me fryrje nga Turqia në ishujt periferikë grekë, një udhëtim i shkurtër por i rrezikshëm gjatë të cilit mijëra njerëz kanë vdekur./Opinion.al
