Të paktën 15 afrikanë janë mbytur pasi anija e tyre u përmbys të dielën në afërsi të Libisë, thotë një zëdhënëse e OKB-së.
Viktimat ishin në një varkë gome që mbante të paktën 110 emigrantë të cilët ishin nisur nga qyteti bregdetar libian i Zaëiya të Premten, tha zëdhënësja e Organizatës Ndërkombëtare për Migracionin Safa Msehli.
Anija u fudos të dielën dhe roja bregdetare libiane arriti të shpëtonte të paktën 95 migrantë, duke përfshirë gjashtë gra dhe dy fëmijë, tha ajo.
Msehli tha se shumë prej të mbijetuarve vuanin nga djegiet nga karburanti i motorit dhe hipotermia, ndërsa disa u dërguan në spital, raportojnë mediat e huaja.
Libia është bërë pika kryesore e tranzitit për emigrantët afrikanë dhe arabë, që shpresojnë të arrijnë në Evropë, pasi vendi i Afrikës së Veriut u zhyt në një luftë civile të përgjakshme pas një kryengritje të mbështetur nga NATO që rrëzoi dhe vrau sundimtarin e vjetër Moammar Gadhafi në 2011.
