Një 17-vjeçare është gjetur e varur, 3 javë pasi i ati denoncoi në polici largimin e saj nga banesa. Tragjedia familjare ka ndodhur në fshatin Gdheshtë të Kukësit dhe ende nuk dihen arsyet që e çuan të renë drejt aktit ekstrem.
Përmes një njoftimi për mediat, policia lokale bëri të ditur se “në vijim të kërkimeve për gjetjen e shtetases A.H., të shpallur në kërkim, gjatë kontrollit të territorit në fshatin Pistë, në kodër, është gjetur e varur me litar në një pishë. A.H., 17 vjeçe banonte në fshatin Gdheshtë por u gjet e varur në Pistë.
Adoleshentja ishte shpallur në kërkim, pasi më datë 02.09.2017, është paraqitur në Komisariatin e Policisë Kukës, babai, shtetasi B.H, ku ka denoncuar largimin nga banesa. Nga ekspertiza mjeko-ligjore, në trupin e viktimës nuk ka shenja dhune, si dhe dyshohet të jetë vetëvarur. Po punohet për sqarimin e rrethanave të ngjarjes, tha policia e Kukësit. /Opinion.al
