Janë lënë në burg 3 nga gjashtë të arrestuarit për ngarkesën me lëndë të rrezikshme në tragetin e mbërritur nga Brindizi që u bllokua në portin e Vlorës.
Gjykata ka vendosur arrest me burg për pronarin e firmës së grumbullimit, Zamir Kornuzin, zëvendës kapitenin e tragetit St Damian Kujtim Xhaferllarin si dhe për shoferin e furgonit Arbër Çunin.
Në arrest shtëpie janë lënë kapiteni i tragetit Festim Tafa, dhe Elisabeta Çuni administratorja e firmës së pastrimit ”Delfini 1”. Kurse drejtori operativ i agjencisë së biletave është lënë në detyrim paraqitje.
Vendimi i gjyqtares u prit me protesta nga familjarët e pranishëm në sallën e gjyqit, njërit prej tyre i ra të fikët. Mbi të gjashtë personat e ndaluar rëndon e njëjta akuzë, “Krime në fushën e doganave, kontrabanda me mallra të ndaluara ose të kufizuara të kryer në bashkepunim.”
Akuza e përfaqësuar nga Arjan Xhaferri, kishte kërkuar “arrest me burg” për të gjashte të akuzuarit.
Masa e sigurisë për të arrestuarit:
Kujtim Xhaferllari., 65 vjeç, zv. Kapiten i tragetit burg pa afat
Arbër Çuni, 28 vjeç, shofer i furgonit, burg pa afat
Agron Grata 48 vjeç, drejtor operativ i agjencisë EuroFerra, detyrim paraqitje
Festim Tafa., 71 vjeç, kapiten i tragetit, në arrest shtëpie
Elisabeta Cuna., 55 vjeçe, administratore e kompanisë së pastrimit Delfin 1, burg pa afat
Zamir Kornuzi., 45 vjeç, pronar i kompanisë së grumbullimit “Kornuzi”, burg pa afat.
Importimi, eksportimi ose tranzitimi i paligjshëm i mallrave të ndaluara ose të kufizuara që hyjnë e dalin në Republikën e Shqipërisë, i kryer me çdo mënyrë a mjet qoftë, dënohen me burgim deri në dhjetë vjet./ Opinion.al
