Katër shqiptarë dënohen me 17 vite e gjysmë burg për trafik heroine. Ata kishin udhëtuar në Zvicër vetëm për këtë gjë. Një akuzë tjetër e ngelur pezull ishte pastrimi i parave.
Grupi prej katër shqiptarëve duhej të përgjigjej para gjykatës së Qytetit të Baselit për shkelje të ligjit kundër substancave narkotike, transmeton sot “Basler Zeitung”.
Prokuroria i akuzon ata për trafikim të rreth 13 kilogram heroine, nga ku kanë fituar 200 mije frangave.
Për më tepër, prokuroria e ka akuzuar grupin e shqiptarëve edhe për pastrim të parave.
Gjyqi i shpalli shqiptarët për këtë të fundit të lirë. Sepse, për ta provuar këtë akuzë duhet një rast konkret që e provon këtë. Dhe një gjë e tillë mungon në akuzë.
Prokuroria nuk e di se çfarë ka ndodhur me këtë para, sepse nuk ka hetuar ndonjëherë në këtë drejtim. Edhe në përllogaritjet mbi bazën e sasisë së drogës dhe shumën e qarkulluar të parave, gjyqi ka ardhur në një shumë të ndryshme nga prokuroria.
Mirëpo, kjo nuk luan ndonjë rol për gjykimin ndaj shkeljes së ligjit kundër substancave narkotike.
Nga 12 gramë e sipër heroinë, shkruan Dialogplus, Gjyqi Federal, trafikimimin e heroinës e konsideron si të rëndë dhe të katër të akuzuarit e kishin kaluar këtë sasi. Gjykimet iu janë përshtatur roleve që kanë pasur anëtarët e bandës.
Si koka e grupit, I.B., ka marrë dënimin më të lartë prej gjashtë vitesh. Sipas gjyqit, ai për muaj të tërë ka ushtruar një trafik të lulëzuar të heroinës dhe ka rekrutuar aktivisht klientë.
Akuzën ndaj tij e ka rënduar edhe fakti që ai në vende të ndryshme të Europës ka shfrytëzuar emra të ndryshëm dhe në Gjermani është shpallur në kërkim për delikte droge.
Gjyqtari e ka quajtur atë një “kriminel profesionist”.
