Katër persona u arrestuan nga policia pasi u kapën në flagrancë duke ndihmuar dy shtetas shqiptarë të kalonin kufirin drejt Greqisë. Operacioni është kryer në Kakavijë dhe të arrestuarit janë Drini Çaçi, 39 vjeç, polic që kryente shërbimin në vijën e gjelbër në Drejtorinë Rajonale të Kufirit Gjirokastër si dhe Kreshnik Kotollaku 34 vjeç, banues në Urë Vajgurore, Gezim Kapllani 55 vjeç, banues në Berat, Valentin Gremi 35 vjeç, banues në Fier.
Policia tha se ata akuzohen për trafik të njerëzve, pasi kundrejt pagesës tentuar të kalojnë në mënyrë të paligjshme drejt shtetit grek, 2 shtetas. Ata merrnin nga 200 euro për person, tha policia. Policia u sekuestroi personave të lartpërmendur dy makina, telefonat celurarë dhe 550 euro. Akuza ndaj tyre është “Dhënia ndihmë për kalim të paligjshëm të kufirit” e kryer në bashkëpunim.
