Policia tha se ka arritur të çmontojë një grup të trafikut të çenieve njerëzore. Janë 18 të arrestuar në një operacion që ka nisur në korrik dhe është finalizuar pak ditë më parë. Ky grup merrte sirian dhe afgan nga kampet greke dhe përmes Shqipërisë dhe Kosovës i dërgonin në Austri dhe Gjermani.
Policia tha se më 2 Shkurt janë kapur Erigenti Bezo, Ilirjan Miza, Julian Shaholli, Genci Jazxhi, Elton Kupe, dhe Fatmir Hajdaraj.
Ndërsa më herët janë arrestua dhe shumë të tjerë duke bërë që në total të bien në pranga 18 shtetas shqiptar. Janë sekuestruar 16 mjete dhe ndaluar 83 shtetas të huaj.
“Pjesëtarët e grupit kriminal në bashkëpunin dhe me shtetas grek dhe shtetas nga vendet e origjinës , gjenin shtetasit në kampet e pritjes së refugjatëve në Greqi dhe kundrejt shpërblimeve 1500-2000 euro i fusnin ata në mënyrë ilegale nga kufiri i gjelbër, në zonën e Korçës duke i tranzituar nëpërmjet vendit tonë për në Kosovë dhe më pas në vendet e BE-së”, tha policia.
Pjesëtarët e grupit kishin gjithashtu mjete në dispozicion kryesisht mjete të vogla më të cilat bënin transportin e personave. Pjesëtarë të tjerë të grupit të cilët ndodheshin në Kukës i prisnin dhe më pas kalonin në mënyrë të paligjshme për në Kosovë ku prisnin anëtarë të tjerë të grupit kriminal. /Opinion.al
