14 persona janë vënë në pranga nga policia italiane, si anëtarë të një bane që merrej me trafikun e drogës mes Salentos dhe Shqipërisë. Ndër të arrestuarit janë dhe shtetas shqiptarë të cilët akuzohen se sillnin drogën nga Shqipëria për në Pulia.
Sipas hetimeve organizata kriminale me bazë në Itali koordinonte punën me furnizuesit shqiptarë si dhe transportin e drogës nëpërmjet detit, futjen në territorin italian dhe shpërndarjen e saj. Si drejtues të bandës janë akuzuar italianët Valeria Farina Valaori dhe Guliemo Kataldi të moshës 52 vjecare.
Ndërsa të arrestuarit e tjerë janë shqiptarët Vaso Mekshi, 39 vjec, Shefik Muho, 33 vjec, Leonard dhe Emilian Bufi, 36 e 31 vjec. Ndërsa të arrestuarit e tjerë janë italianë.
Në një hark kohor prej 11 muajsh që nga gushti i 2016-ës deri më sot, janë denoncuar gjithsej 23 persona që i përkasin organizatës kriminale, 21 prej tyre janë arrestuar.
Gjatë operacionit të policisë u sekuestruan 3508 kilogramë marijanë, për një vlerë prej 35 milionë eurosh, një kallashnikov, një skaf, dy gomone dhe një mjet rimorkio.
