Dalin detaje të reja nga operacioni kundër trafikut të lëndëve narkotike në Itali, mes të cilëve u arrestuan edhe shtetas shqiptarë. “The end”, apo “Fundi” quhet operacioni i karabinierëve në provincën e Bergamos, të cilët kanë arrestuar 15 persona të akuzuar si pjesë e një grupi të strukturuar kriminal i specializuar në trafikun ndërkombëtar të narkotikëve. Urdhrat për arrest në burg në ngarkim të grupit, i cili ka vepruar kryesisht në zonat e Lombardisë, Liguria, Veneto, Emilia Romagna dhe Umbria, janë lëshuar nga Gjykata e Bergamos.
Masat vijnë pas një hetimi të koordinuar nga prokurorët në Bergamo, nisur në vitin 2014 dhe zgjati më shumë se një vit. Hetimet identifikuan një organizatë kriminale të dedikuar për trafikimin ndërkombëtar të sasive të mëdha të drogës, drejtuesit e lartë të së cilës ishin vendosur në krahinën e Bergamos.
Gjatë hetimit u kapën në rajone të ndryshme të Italisë mbi 100 kg drogë, duke përfshirë kokainë, heroinë dhe marihuanë, të importuara në Itali me automjete të pajisura me fund të dyfishtë nga korrierë nga Holanda dhe Shqipëria. Sakaq janë identifikuar tre laboratorë droge në Romano di Lombardia, Padova dhe Corato (Bari), ku një minoren përziente heroinën me paracetamol. Veçanërisht kompleks ishte sistemi i kodeve alfanumerike përmes të cilave ata komunikonin me njëritjetrin. Janë sekuestruar gjithashtu dhe një pistoletë e kalibrit 6.35 e cila ka rezultuar e vjedhur, 30 mijë euro cash, e disa makina luksoze.
Automjetet e sekuestuara nga policia italiane i janë nënshtruar pocesit të cmontimit në oficinat e specializuara ku janë zbuluar vende të fshehta të përdorura për transportimin e drogës./Panorama
