Kreu i PD, Sali Berisha në një deklaratë për mediat është shprehur se procesi gjyqësor ndaj deputetit Ervin Salianji është i stisur me prova të manipuluara.
Ndër të tjera, Berisha tha se Salianji denoncoi veprimet kriminale të Agron Xhafajt, i cili ushtronte aktivitetin kriminal nga porti i Vlorës me ndihëm e Ramës dhe Fatmir Xhafës.
“I mbrojtur nga Edi Rama dhe vëllai i tij me pushtet, Fatmir Xhafa, trafikant vazhdonte i qetë punën e tij të zezë, nga porti i Vlorës. Me mbrojtje totale të pushtetit të Edi Ramës dhe Fatmir Xhafës. Gazetarë kurajozë, guximtarë, faktuan nëpërmjet regjistrimeve se Geron Xhafa vazhdonte të ishte drejtues i trafiqeve nga porti i Vlorës. Se ai ishte i aftë të siguronte tonelata droge për tregun italian. Ervin Salianji nuk ka bërë asgjë tjetër veçse ka denoncuar mosdorëzimin tek autoritetet italiane të Geron Xhafa, të dënuar me vendim të formës së prerë nga drejtësia italiane dhe ka publikuar regjistrimin e gazetarit investigativ sipas të cilit Geron Xhafa drejtonte udhëheqjen e trafiqeve. Në një skenar që do të kishin lakmi superfilmat për mafien, Geron Xhafa ndalohet dhe sillet në Tiranë. Në këtë akt kriminal janë të implikuar Ardi Veliu, famziu Nushi që është na arrest, janë të implikuar punonjës të SHISH, të cilët njëlloj si të ishin agjentë te sigurimit të Enver Hoxhës se sapo morën vesh që bëhej fjalë për Agron Xhafan, shkelmuan mbi ligjin, duke deklaruar se zëri ishte i Agron Hysenit, deklaratë që u hodh poshtë. Mbi montimet e një dëshmitari të rremë, famozit Fredi Alizoti, nisi procesi ndaj Salianjit dhe gazetarit, Jetmir Olldashi”,-tha Berisha.
Kujtojmë se Gjykata e Apelit Tiranë ka caktuar datën 4 korrik për seancën e parë gjyqësore në ngarkim të deputetit të Partisë Demokratike, Ervin Salianji, për akuzën ndaj tij në dosjen “Babalja”. Deputeti dhe tre të bashkëpandehur u dënuan 3 vjet më parë për “kallëzim të rremë” për inskenimin e një audio-përgjimi, ku pretendohej se vëllai i ish-ministrit të brendshëm, Fatmir Xhafaj, bisedonte për çështje droge.
