Gjykata e Krimeve të Rënda ka vendosur masën e sigurisë arrest në burg për 51-vjeçarin Ylber Ademi nga Kosova. Ademi u arrestua dy ditë më parë nën akuzat për trafiku armësh, municionesh dhe eksplozivi.
Ai u arrestua në aksin nacional Elbasan-Peqin duke udhëtuar me automjet, ku iu sekuestruan 19 pistoleta, 400 fishekë dhe 4 kallëpe tritoli.
Sipas policisë, Ademi i trafikonte armët nga Serbia dhe i transportonte në Kosovë, me destinacion final Shqipërinë, ku dhe i shiste.
Nga veprimet e deritanishme ka rezultuar se 51-vjeçari ka shitur edhe më parë armë luftarake në Kosovë, Shqipëri e vende të tjera./Opinion.al
