Një grup të rinjsh kanë rënë në pranga teksa tentuan të trafikonin drogë drejt Greqisë.
Burime nga policia bëjnë të ditur se 3 persona janë kapur në Qafë Botë, në kufi me shtetin grek. Ata po transportonin një çantë me 3 kilogram kanabis. Të rinjtë ishin të moshave 19, 20 dhe 21 vjeç dhe banonin në fshatrat e Konispolit.
Nga hetimet e policisë rezultonte se ata do të priteshin në anën tjetër të kufirit nga një person i cili do të transportonte sasinë e drogës në Greqi. Gjatë operacionit policia bëri të mundur arrestimin edhe të këtij personi i cili ishte një 23 vjeçar me origjinë greke, banues në Sviota të Igumenicës. Nga kontrolli i banesës së këtij personi policia zbuloi edhe 1.5 kilogramë të tjera kanabis. /Opinion.al
