Apeli i Posaçëm ka lënë në fuqi dënimin me 14 vite burg për Arbër Çekajn. Po ashtu, është lënë në fuqi vendimi edhe për Donald Lushajn, 10,8 vite burg dhe Armand Pezakun me 8,8 vite burg, të akuzuar për trafikimin e 613 kg kokaine kolumbiane në Shqipëri.
Gjykata e Posaçme e dënoi me 14 vjet burg Arbër Çekajn për trafik ndërkombëtar të lëndëve narkotike.
Sakaq mësohet se Prokuroria kishte kërkuar 21 vite burg, kërkesë të cilën e konfirmoi edhe gjykata, por për shkak të gjykimit të shkurtuar, Çekaj përfitoi ulje të dënimit me një të tretën, pra 14 vite burg.
Lënda narkotike u zbulua në shkurt të 2018-s në Maminas, pasi ishte fshehur në kontejner me banane që ishin porositur nga Çekaj./Opinion.al
