Agjencia Kombëtare e Krimit po e ndiqte prej disa muajsh, 39-vjeçain shqiptar, i cili ishte dëbuar 2 herë nga Mbretëria e Bashkuar.
Mediat britanike shkruajnë se Hazir Lala, 39 vjeç, nga Shqipëria, u kap nga oficerët e Agjencisë Kombëtare të Krimit në Walthamstow mbrëmjen e së premtes dhe ende nuk është përcaktuar data e depërtimit të tij.
Lala është dënuar për krime të organizuara, përfshirë trafikimin e qenieve njerëzore, të cilat ishin kryer në Belgjikë në vitin 2016.
Ai u arrestua në lidhje me këto vepra në shtator 2019, duke bërë që të urdhërohej ekstradimi i tij.
Lala u arrestua sërish dhe u kthye në Belgjikë në fillim të vitit 2020, ku u dënua për trafikim njerëzor dhe pjesëmarrje në një organizatë kriminale.
Por, ky dënim u pezullua dhe Lala u lirua pas vetëm disa muajsh, ku u detyrua të paguante 102 mijë euro.
Ai u depërtua në Shqipëri më 19 gusht 2020.
Mediat britanike shkruajnë se ai u kthye përsëri në Mbretërinë e Bashkuar dhe oficerët e Agjencisë Kombëtare të Krimit e kanë ndjekur atë që nga korriku i 2021-t.
Kreu rajonal i hetimeve të NCA, Jacque Beer tha: “Hazir Lala është një trafikant i dënuar dhe nuk ka vend në Britani, pasi prania e tij paraqet një rrezik të papranueshëm për publikun”./Opinion.al
