Një shtetas shqiptar është vënë në pranga si rezultat i një operacioni të realizuar nga DEA amerikane.
Shqiptari i arrestuar është Agim Çerma, i cili ishte edhe koka e grupit kriminal, ndërsa njihej me pseudonimin ‘Jimmy’.
Bashkë me shqiptarin janë arrestuar edhe 4 bashkëpunëtorët e tij kolumbianë.
Çerma ishte përgjegjës për koordinimin e rrugëve për të bërë të mundur trafikimin e kokainës. Ai merrte para nga grupet kriminale në Europë dhe blinte kokainë në zonën e Cauca në Kolumbi, e më pas garantonte dërgimin e drogës me Charter nga aeroporti ndërkombëtari ‘Alfonso Bonilla Aragón de Palmira’. Po ashtu, ai fuste kokainë në SHBA nëpërmjet porteve të ishujve Karaibe.
Çerma dhe bashkëpunëtorët e tij ishin të lidhur edhe me ‘Klanin e Golfit’ dhe grupe të tjera kriminale për të blerë dhe transportuar kokainën, ndërsa kishin vendosur kontakte me kontrollorët e trafikut ajror, për t’i lejuar ata të nisnin ngarkesën.
Të arrestuarit e tjerë janë:
Përveç Agim Cermës,në pranga u vunë edhe:
William Cruz Pérez, i cili do të ishte njeriu i besueshëm i shtetasit shqiptar dhe personi i ngarkuar me koordinimin e blerjes dhe magazinimit të kokainës dhe krijimin e vendeve për dorëzimin e parave.
Pedro Antonio Penagos Londoño, përgjegjës për mbledhjen e drogës në ndërtesat pranë Aeroportit Alfonso Bonilla Aragón.
Jairo Fernando Cardona López, i akuzuar për kontakte me kontrollorët ajrorë dhe personelin e sigurisë nga terminali ajror për të lejuar hyrjen dhe daljen e kartave.
Edwin Durlandy Montilla González, alias ‘Kimist’, i cili dyshohet se shoqëronte përpunimin e klorhidratit të kokainës në laboratorë.
Gjatë operacionit, u kapën më shumë se 333 kilogramë kokainë dhe më shumë se 100 mijë dollarë.
